Sunnudagar í hverfinu

Hilmir á standandi deit á sunnudagsmorgnum með ástinni sinni einu henni Kötu. Hún er árinu eldri og byrjuð í skóla svo þau hafa ekki geta leikið saman einsog venjulega á leikskólanum. Þá er nú gott að mömmurnar geti samhæft aðgerðir og útiveru svo þau fari ekki of mikið á mis við hvort annað.

Núna þegar það er farið að hausta getur litlu kroppunum orðið dáldið kalt eftir hamaganginn þannig að síðasta sunnudag tók Kötumamman sig til og bauð uppá heitt kakó.

Á myndunum má sjá Hilmi í góðum félagsskap stelpnanna á leikvellinum. Við erum alveg glimrandi ánægð með að hann sé (vonandi) svona strákur sem fellur vel inn í hvaða kynjahóp sem er ;)