Amma á leiðinni

"Ég á MARGAR ömmur!" fékk ég að heyra þegar ég sagði að amma væri að fara að koma í heimsókn til okkar frá Íslandi. Hann veit núna að það er Bugga amma (Þverásamman) sem kemur og að hún komi með mér að sækja hann í leikskólann á morgun.
Svo ruglaðist hann aðeins í morgun þegar hann læddist inní dimmt gestaherbergið og var að leita að ömmu sinni. Hver veit nema hún hafi komið í skjóli nætur.... en nei, engin amma enn.

Held að amma eigi eftir að verða hissa að sjá drenginn! Alveg rúmt hálft ár síðan við hittumst síðast og akkúrat á þessum mánuðum sem talið er búið að vera að hrökkva í gang hjá honum.
Kósí löng ömmuhelgi framundan hjá okkur :)